دجاج (طريقة من الصين)

المقادير :

فيليه دجاج مقطع مكعبات ( صدور دجاج بدون عظم )

فلفل رومي احمر

فلفل رومي اصفر

فلفل رومي اخضر

بيالة صلصة صويا

3 جزرات

بصله وحده

شوي ثوم مفروم

ملعقتين نشا

بيالة كاتشب

ملعقتين صلصة طماطم

ملح

بهارات للتبيل

كمون

ليمونه

بيضه وحده

دقيق

زيت للقلي ..




-



الطريقه :

أولاً .. تبلي الدجاج عادي (( ملح + بهارات + عصير ليمونه وحده )) وحطيه بالثلاجه لمدة نص ساعه

بعدين طلعيه من الثلاجه .. طبعا تكونين مجهزه التغطيه (( البيض والدقيق )) عشان القلي ..

تغطينه بالبيض ثم الدقيق ثم تقلينه لين يصير لونه مستوي



ثانيا .. (( خلطة الصلصه ))

هاتي صحن عميق

حطي فيه كاس مويه و ملعقتين نشا بيالة كاتشب و ملعقتين صلصة طماطم

وحركيه حركيه .. وبعدين خليه على جنب ..




ثالثاً ..

هاتي مقلاه .. وحطي فيها البصل (( مقطع شرائح )) + شوية زيت ..

احمسيه شوي بعد كذا ضيفي شوية ثوم مفروم ..

بعدها ضيفي الفلفل الرومي بألوانه (( يكون مقطع شرائح طوليه )) + الجزر (( شرائح طوليه )) ..

وحركيه لمدة خمس دقائق على نار هاديه ..

بعد كذا ضيفي الدجاج اللي قليتيه .. وضيفي عليه شوية ملح وكمون وفلفل اسود لو تبين .. وقلبيه ..

ثم ضيفي خلطة الصلصه

واتركيه لييييين الدجاج يشرب موية الصلصه ومايبقى منها الا شوي بس


بعد كذا قدميه مع رز ابيض

جوعتيني


خلاص دامك بتسوين لي ماعليه


يعطيك العااافيه جوجو

لاعدمناااك يارب

وربي ما اعرف اعمله ههههههههههههههههههههههه



ولكمو حب