أحلى قصيدة تغزل بالرجال (المار قدامي)

هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..

حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..

احب امه .. احب عمه .. احب جده ..واحب خاله ..
اموت بنظرة عيونه وأعشق كل حروف اسمه ..

احب جٍده واحب هزله ، اذوب وحالتي حاله ..
واذا يطروه قدامي .. احس بداخلي صدمه ..

ذبحني بكثر ماشتاقه .. ذبحني بكثرة اشغاله ..
شغلني جنن قليبي .. فصلني من على الخدمه ^^ ..

ياليت اقدر اصير بيوم شي(ن) دايم قباله ..
وراه بكل مكان يروح .. شي(ن) غالي يهمه ..

ياليتني ساعة(ن) بيده .. او ارقام(ن) بجواله ..
يطقطقني على كيفه ولا احفظ سوى رقمه ..

انا ادري انه يعاني .. وادري صعبه احواله ..
قلبي مايطاوعني .. يبي دايم اهو يمه ..

انا مايهمني ربعه .. وعذالي وعذاله ..
احبه بكل جنون الحب .. والإحساس والذمه ..

صحيح انه يكذبني وظنونه دوم على باله ..
لكني بعلمه كيف هو دمي وانا دمه ..

يقول اني انا انسى ؟! فال الله ولا فاله ..
لو بانسى انا نفسي .. مانسى ابد رسمه..

ياقلبي شوف لي حل(ن) بحب(ن) صار لي عاله ..
يا إما تجيبه لعندي .. والا إطلُبه من امه ..

يعطيكي ألف عافيه يا قلبي
وربي هالقصيده عجيبه كانت عندي بجوالي بس انمسحت اخيرا احد حطها
حق نجاح المساعيد
وربي خوووطيره
أهديها لعيش في ظل من تحب هع يوم تقابلنا هذاك المار قدامي ههه
مشكووووره فديتك
ربي لا يحرمنا منك غلاتي

سوري موب حق نجاح هع

يسلمو ع مروركم وردكم الروووووووووعه

اللي زدت القصيدة نورررررر