الحلم _ حامد

الحلم
تخايلت المنام الي مثل بيتك تمرينه
وانا اللي من تفارقنا وانا ما غمضت لي عين

غريبه كل حلم يمر برقادي تزورينه
والاغرب..كيف اشوف الحلم ,وارجع واحلمه بعدين؟

قبل يومين , شفتك بالمنام..وقمت من حينه!
ونمت امس, ورجع نفس المنام اللي قبل يومين

انا اللي قبل اسافر شلت قلبي من شرايينه
تركته في يدك مثل الامانه, واحفظيها زين

ترى حفظ الامانه دين..مجبورة تردينه
اجل, ما في احد قد قال لك(حفظ الامانه دين)؟

مرد المقفي بيلفي ..بيستوفي, وتوفينه
بعد ليله,ثلاثه,اربعه,,شهر,اوبعد شهرين

واذا انتي مو على قد الكلام الي تقولينه
حرام .. استامنك حاجه, واذا جيت اطلبك تنسين

تخونيني,وتبيني ارضى!! واحد يرضى تخونينه؟؟
انا لا جيت اخونك,مع حبيبه ثانيه,(ترضين)؟؟

من اول ما رجعت من السفر ما شفت لك بينه؟
واناا للي كنت احسبك قبل ادوس ارض المطار ..تجين

تكونين انتي اول شخص عيني تحتضن عينه
وكنت اتخيلك من زود فرحة رجعتي..تبكين

انا واثق مثل قلبي وحبي ماتلاقينه
ماهو بغرور..لكن خابرك مالك امل تلقين

وانا ماني بناقص عنه يوم انك تبدينه
نصيبي هو نصيبي لو قفل بابه من الصوبين

قنوع بمظهري..والسم ما يذبح ثعابينه
على قول المثل (ماني حلو..لكن ماني بشين)!

اذا اهداك الزهر مره .. فانا اهديتك بساتينه
واذا الهاك ابفرح ليله,فانا تهت لبكاك اسنين

طموحي ,بس اجي واظفر بشي تستحقينه
تدينته, تسلفته, سرقته, مو مهم منين؟

انا ملعب على الحبلين وقت الطيش وسنينه
تبين الحين يوم اني كبرت العب على الحبلين؟!؟

ترى عند البدو بالذات (عيب اللي تسوينه)!!
كثار اللي تحدوني وقالو لي تحب اثنين

امانه.. لا تخليني صغير بعينهم (تكفين)!
لاني كل ما قالو(تخون) ..اقول (مسكينه)

امانه علميهم يالقوية من هو المسكين
مثل ما قالو (المكتوب واضح من عناوينه)

لو ارحل منك للغربه تناديني سنيني : وين؟
تسافروين وانت اللي مقرك في ثرى عينه


بصراحة قصائد حامد اكثر من رائعة

يعطيك العافية خيوو عـ هيك مجهود

لاعدمناك

واااااااااو اموت في اشعاره حلوين كثير ..~

سلمت يمينكـ ..~

وصح لسانكـ على هالابيات الرووووعهـ بروعتكـ ..~

ماننحرم من ذووووووقكـ الراااااقي بالشعر ..~

ربي يسعدكـ دنيا وآخرهـ وينور دروؤؤؤؤوبكـ ..~

نتريا كل ااابداعاتك ..~


تقبلي مرووووووووري ..
دمتي بود ..::

اهلين حياتي وانا مثلك عجبتني الكلمات فقلت اجبلكم اياها
نورتي

نورتي غلاتي

اي صح معك الحق فديته
ولكموووو لسوعه