عليه حظ ابو الشباب

تكفون ياشباب ..
تكفون من جد <<<<< واضح ان فيه مشكلة من جد

ياعالم ...
الحظ الحين شي صدقي ؟؟ <<<< سؤال صدقي
لاتقول لي ولااقول لك ..

اسمعوا الي صار لي واحكموا ...<<<<< طبعا مو انا رجال يتكلم عن نفسه<<<<لا يكثر

انا مواطن طيب
يوم من الايام قاعد ادور بسيارتي الكابرس 79
وادور احد من العيال امره ابي ادور لي سلف 10 اعبي بنزين
خشيت شارع كان مقطوع يصلحون فيه يقالي ابختصر

سمعت صوت غريب
ناظرت بالمراية الا واشوف وراي منظر ولاالافلام الامريكية

سيارة لومينا بيضاء داعسه ووراها 3 دوريات
ووراها 3 سيارات حكوووووومة داعسة وانواع المطاردات

انا قلت ياولد مايبيلها
لازم يظهر الجانب الوطني
وادعس للكابرس وراهم
راعي اللومينا كان سواق وشكله فنان ومتعود على هالحركات

اما حقين الدوريات فمساكين تلقاهم داعسين واذا جت لفة انواع الفرامل حتى ان واحد منهم قشع صندوق زبالة دخله بقالة على الطريق

انا بدا الحس الوطني عندي يشتغل
وجاني احساس الافلام الامريكية
وادعس

دعست وراهم

راعي اللومينا شافني وصار وجهه كذا
وادعس وراه

شوي الا والف عليه خششته في محل خياطة نسائي

طبعا انا نزلت بسرعة واطب عليه وافتح الباب واكتفه واصارخ للشرطة تعالوا
تعالوا

تعالـ ....

واناظر الا الشخص الي انا ماسكه داخل اللومينا لابس بدلة عسكرية
وشوي الا وستة من الافراد الي في سيارات الشرطة واقفين جنبنا والضابط الي معهم يقول لي :
خير ؟؟
وش فيك ؟؟

قلت له : وشو الي خير ؟؟
انا فازع لكم وصايد هالحرامي .......

قال الضابط : ومن قال لك افزع والا الحقنا ؟؟

قلت له : الحين انتوا مو تطاردون هالحرامي ؟؟

قال : اي حرامي ؟؟
هذا تدريب لمكافحة المخدرات على المطاردة والشغل كله كان تكتيكي ووهمي ..

خش عسكري ثاني وقال : ياطويل العمر شكله سكران .. ناخذه ونحلل له ؟؟

ويتلوني للقسم وانواع التحويل والتحليلات ..

اخر شي قالوا تراك بتتحمل اصلاح السيارة الي صدمتها

وبعد حب خشوم تركوني اطلع وقالوا لي : لاتتعودها

من يومها حرمت ...

بلا وطنية بلا اناشيد

مرت 3 شهور على هالسالفة ...

وفي يوم طالع انا ومجموعة من الشباب الاستراحة ...

كنا مستانسين نسبح ..

شوي اطلع على سور الاستراحة مسوي ابطب للمسبح محيفرة <<<< قدييييييييييم

الا واشوف شي غريب ...

الاستراحة الي جنبنا فيها شي غريب ..

ورعين اعمارهم على 12 يسبحون واشوف واحد منهم يغرق ...

والثاني شافني ويقول الحق اخوي بيموت تكفى بسرعة ..

انا ساعتها تذكرت الي انقذوا عوايل في السيول الي صارت ببعض المناطق
وكيف ان الملك كافئهم ..

قلت انا بس ..

جاك الرزق ياولد

واطب يم استراحتهم
ومباشرة على المسبح وانا اتخيل الملك يقول ياولد مش واضح شكلي ابقشع مدير الدفاع المدني وابعينك مكانه

وصلت المسبح الا شي غريب ...

الولد الي كان يغرق طلع بسهولة وقاعد يضحك ..

اما اخوه الثاني فقعد يصارخ : ابووووووووووووووووووي تعال شف حرامي

وبدت الحريم تصارخ ...

شوي الا 4 كبار جوني وخذ ياطق ...

والشايب يقول : تتعدى على محارمنا في الاستراحة ...

وشوي الا وحنا في قسم الشرطة وانا كاشخ بسروال السباحة ...

انجلدت لين شفت الله حق

وتعهد وضربوني الباب

حرمت انا اسوي اي شي ..........

بعد هالموضوع بسنة رحت للسوق الصبح ماسكه معي ابي اشتري فنيلة علاقي وقلت يمكن يمدينا نقز لنا كم صاروخ على هالصبحية تعرفون المطاوعة نايمين وقتها

شوي الا واقز هالصاروخ الي تمشي بخكرنة

قمت اقز فيها من بعيد كمعجب بس

والبنت تضايقت ووضح عليها ..

شوي الا ........

4 شباب خوال يجونك طايرين وواحد منهم يسحب شنطتها بقوة لدرجة ان البنت بنطت ماردها الا برميل زبالة

عاد انا قلت بس ..

وقتك ياروبن هود

وافصخ زبيريتي واعطيها هندي قلت له تراها عهدتك لين ارجع

وادعس وراهم

يخشون شارع وراهم

يخشون حارة وراهم

اخر شي قفلت معهم ووقفوا

التفتوا لي وقال واحد منهم : وش تبي تلاحقنا ياسوبرمان ؟؟ مسوي منقذ ..

وجلدوني جلد ....

جلد اكلوني معه نص تراب الشارع

خذوا جوالي وفتشوا بوكي لقوا 7 ريال خذوها ورموا علي البوك وماخلوا فيه الا صورة سميرة توفيق راز بها <<<<<<< العن ابو ذوقك ياشيخ

رجعت للسوق وحالتي حالة

لقيت الشرطة والعالم متجمعين على البنت ياخذون اقوالها

وماامداها تشوفني الا وصاحت ..

هذا معهم

هذا كان يراقبني قبل يسرقون الشنطة
وشفته ينحاش معهم

توني ابقول : ياجماعة انا مالـ ...

الا بوكس شايل اربعة ضروس من خشتي ..
وبركبة ركبوني الجيب وعلى قسم الشرطة .....

انجلدت كالعادة وبعد 3 ايام في التوقيف طلعت

اخر الاحداث ..

قبل ثلاثة ايام مار انا وواحد من العيال من شارع رئيسي ...

كان الوقت الساعة 2 الليل برمضان طبعا

الشارع كان مظلم
وفيه اثنين تصادموا

كان واحد منهم ينافخ على الي صدمة والعالم تبي تفكهم

شوي الا واحد يقول لي : شف شكل السيارة بتشب
طبعا يقصد السيارة المصدومة

قلت له : وش الحل ؟

قال : يبيله واحد يفك البطارية

كانت السيارة تدخن

واجيك انا سوبر مان
واركب سيارة الرجال ...

وابي افتح الكبوت الا الظاهر انه كان عالق شوي

وبدون ماادري جت يدي بالغلط على القير حق السيارة وانا نازل

شوي الا السيارة تدحدر وتقشع 4 سيارات واقفات

المشكلة هالشي صار على وصول المرور

كلبشوني
وع الحجز

يبوني ادفع تكاليف اصلاح السيارات
وانا كل ذنبي اني كنت مسوي ابساعد
وافزع
ومسوي وطني

بذمتكم الواحد مو يغسل يده من انه يسوي خير ؟؟

والا انا الي مقرود ؟؟

هههههههههههههههههههههههههههههههههههههههه

ههههههه

والله لازم نسووي مسلسل خاص فيك

صراحه الله يعنيك

مسوي راعي فزعات المشكله انك ما تتوب

صراحه انت مقروووود هع هع هع هع هع

تقبل مرووووري

يسلمووو ع مرورك وعلى رايك
شرفتني بردكـ
تقبل مروري

يعطيك العااااااااااااااافيه >>>من جد
وبنتظاااااار جديدكـ
تقبل مررررررررررررررروري

يسلموووو ع المرور
شرفتني بوجودك
تقبل تحياتي

تبي الصدق الغلط مو منك من ظن الناإأآس هالايام
وربي صارو يكرهو الوواحد بفعل الخير
واذا مافعلنا خير قالوا شوفوا شباب هالايام مايفعلون خير لااحد <<<<<<يعني اني
ههههههههههههههههههههههههههههه
بس وش تقول غير الشكوى لله
تقبل مروري وتحياتي
دمت بووود

يسلمووو ع الراي الجميل
شرفتني بوجودك
تقبل تحياااااتي

خخخخخخخخخخخخخخخخخخخخخخخخخخخخخخخ
يلعن اووم الحظ الي كذا
قالوها خير(ن) تعمل شر(ن) تلقى
عسسساآك ع القوة خيوو

شرفني وجودك
يسلمووو ع المرور
تقبلي تحياتي

ههههههههههههه و الله انو يحزززززن و بقوة

احسو شوية و يصيح ههههه

تسسسسلم عالطرح

الرهييييييب

مشكور ع الموضوع الرائع

دمت

» مواقف الشباب اومقالب الشباب ليلة الدخله
» مقارنة بين الشباب و البنات
» خاص للبنات ممنوع دخول الشباب