قصيدة بنت تزوج حبيبها

علموني كيف أمسح دموعي في ليلة زفتّه

وكيف أشوف واحدة غيري تاخذ مكاني

وأنا اللي كنت بغلاي بين قلبه ومهجته

لكن ظلمني القدر .. وغدر بي زماني

حبيبي الذي يبهر الناس بحلاوة طلّته

و تضيق بي الوسيعة اذا يوم خلاني

ونظرته آه ياناس لو تشوفوها نظرته

خذت من السحر والجاذبية أعلى مكاني

وبسمته يا حظها إن بانت على شفتّه

كل الشفايف تغار من حبيب(ن) هواني

نال من طبع البداوة والحضارة قسمته

مزيون والزين له.. ماهو لواحد(ن) ثاني

وإن جابوا طاريه تصارع قلبي مع دقته

فلان يا عمري وروحي ونور اعياني

ملكني بغلاته.. وذبت انا في عشقته

سميته حبيبي.. وحبيبتي تراه سماني

اعشق معاه السهر وأتلهف لرمسته

ساعات حكيه كنها عندي مجرد ثواني

وأنا اللي دايم أتحرى وأنتظر شوفته

لأجل أطفي نار(ن) قايده .. فيها رماني

وبعد هالليالي جه القدر يبصم إبصمته

ويحطم معه كل حلم(ن) للقمر وداني

مصيبةٍ وحلت على حالي وقلبي ونبضته

من سبايب إنسان(ن) عشقته واليوم بكاني

شفته يوم عيّت دموعه تسري على وجنته

خايف عليّ أنهار أو يزيد من هول احزاني

لمني بحضنه والعالم ما يسوى ضمتّه

فيها دفا الحب والحنان.. وكل المعاني

مسكت بيدي ظرف كبير قال إنه بطاقته

مسكتها وخانتني دموعي وانربط لساني

خبروني كيف اتركه ينسحب .. وهمسته

دايم تناديني في كل الدقايق والثواني

محدٍ يقدر يداوي جروح هاليوم وطعنته

أظهرت فيني الشيب!! وافقدتني اتزاني

واليوم ما بقى لي غير نصيبي وقسوته

و بحر(ن) كبير(ن) ودي القى فيه المواني

حبيبي الليلة هي ليله الشؤم .. ليلة زفتّه

كيف السبيل ياناس والبعد عنه اشقاني

رجيته اني دايم ابقى بين قلبه ومهجته

لكن حسافه.. راح عني اليوم .. ونساني

صرت دايم أردد كلمات الجسمي في إغنيته

وأقول "خلاص راح الذي يستاهل احزاني"

ياآحرام جد الله يعين كل وحده تمر في هالموقف
روعهـ & ناآآيسس & عجبتني مووووت
وربي تمنيتها ماتخلص
مشششكورة غلاتوو
الله لايحرمنا منك ولا من اإبدعااتك

العفوووووووووووووو قلبووووو

ولا يحرمني ربي من طلتكـ الي تشرح الصدر

تتتتتسلمين ياعمري

» بنت تشعر بليله زواج حبيبها وربي مؤثررره
» قصيدة جونان عن الام
» أقوى قصيدة عتاب