ألو قالها بلهفة إحساسه ..

كان بزحمة شجونه .. يلملم باقي أوراقه ..
صباحه يمر كالعادة .. شرب القهوة من بدري ..
و راح يقضي شؤونه فجأه ..


.
.
.
.
.



دق جواله .. هذي الرنة اذكرها ؟!
لا ما صدق عيونه ؟!
صارت ترجف يدينه .. صارت تدمع تدمع عيونه ..
هذا رقم مضمونه ؟!!


آلـــو: قالها بلهفة إحساسه ..
ألــــو: صباح الخير يا جافي يا أقسى من عرف قلبي ..

صباح الخير يا وجه الخير .. يا حبي يا سبب غلبي ..
حبيبي ليه تهجرني .. وينك يوم ناديتك .. توك تلبي ؟!


تدري يا كريم الجروح .. تدري يا غلا الروح .. أنا ما أنام إلا صورتك جنبي ..
ولّا أقولك ما أعاتب .. يكفي إن اليوم صبحي في حضورك اختلف عن كل يوم ؟؟



ادري يا بعد حالي .. ادري وش تبي تحكي .. صحيح إن السلام المفروض أنت تبدأ به ..
حبيبي والله ما تفرق .. سلامنا واحد .. حبيبي والله ما تفرق سلامي أول وتالي ..




عساك بخير بشرني .. عساك بخير ياغالي .. عسى دنياك فرحانة؟؟
تعال قولي .. علمني .. غريبة عليك تذكرني ؟! وتذكر رقم
جوالي ؟! وعسى دنياك جتني ولهانة ؟!


عن أشواقي لا تسأل .. عيوني حييييل مشتاقة .. ضناي الشوق وأشقاني .. وصبري ذبلت أوراقه ..


تعال .. بحكي لك .. أنا تغيرت عن أول .. وصرت أنام من بدري .. عشان احلم و أشوفك ..
ويطول حضني لطيوفك .. صرت اصحى من بدري .. وصارت قهوتي مره ..
وغطاني همي من كبره .. أنا تغيرت عن أول وهجرك طول وطول ..




احبك .. باقي تذكرها ؟!
لسه تذوب في حرارتها ؟!
سوالف ليالينا وحلمنا الوردي ما نسيتها ..
أعيش ماضيها وحاضرها .. احبك وأنت تهجرني .. وهذي يعني
آخرتها ؟!



اووووه أسف حبيبي اعذرني .. خذاني الشوق و وداني .. حبيبي
يلا كلمني .. و طفي شي من ناري بصوتك ..
وليتك تداوي القلب يا ليتك ..





الثاني يرد ويقول :

الو آسف أنا غلطان .. وتوني مطلع الجوال ..
وكنت أبغى رقم فلان ..